طريقة عمل البريوش او الشوريك الفلاحي الهش المنجأونة الطرى فاطمة ابو حاتى

السلام عليكم ورحمه الله وبركاته..

النهارده جايبالكم وصفة إنما ايه حلوة اوى وهتعجبكم كلنا بنحبها كبار وصغار بس مش بنعرف نعملها..

الشريك المصرى :

المكونات والطريقة :

كيلو دقيق ، كوباية لبن ، كوباية سكر ، ٢٠٠ جرام زبدة طرية يعني حوالي كوباية ، علبة زبادي ، ٢ بيضه ، نص كوباية مياه ، معلقة كبيرة خميرة ، معلقة صغيرة فانيليا ، معلقة صغيرة بيكنج بودر 

كل المكونات تكون بحرارة الغرفة هتحطي المواد السايلة الأول مع بعض وبعدين تنزلي المواد الجافة وتعجني بقى لو لاقيتيها بتلزق زيادة زودي شوية دقيق بسيط لحد ما تتكون عجينة طرية خالص وتغطيها تخمر ساعة أو ساعة ونص في الجو ده وبعدين قطعيها كور متساوية بتاخدي كل كورة وتفرديها في إيدك وبعدين تلفيها زي الكحكة ..

وترصي على صاج فيه ورق زبدة وتسيبيها تخمر نص ساعة كمان وتدهني الوش ببيضه عليها معلقة صغيرة فانيليا وسوي في فرن سخن متوسط الحرارة وأول ما تخرج غطيهم على طول عشان تفضل طرية ..

ألف هنا ..